Araucaria bidwilii

Araucaria Bidwilii Hook

Pianta dita « riliquia », stu conifaru hè digià prisenti indè u Jurassicu. L’Araucaria devi u so nomu à u rughjonu d’Araucania à u Chìli d’induva veni. L’arucania di u chili hè l’arburu naziunali di u chìli (d’induva u so nomu veni). U so cugnumu « scunsulu di i scimii» si spiega pà i so frundi in scuppulati zimbruniti ch’impidisciani a so picchiata da i scimii. Da sapè ch’ùn ci so micca scimii à u Chìli !

Ussirvazioni

Spezia minaciata indè u so logu di vita naturali, a so splutazzioni hè intardeta à u Chili dapoi1990 è pà a cugliera di i grani da l’indiani hè limitata.

Carateristichi di a spezia

Famidda : Araucariaceae

Urigina : L’Araucaria bidwili hè un cunifaru incù un frundamu pirsistanti, indemicu di livanti di l’Ustralia. In u so logu di vita naturali, l’arburu hè prutetu indè ritegni.

Abitatu : Rigiona à climu dolci

Carateristichi : L’aurucaria pò andà sin’à 25m d’altezza indè u so logu di vita naturali. I coni femini so assai grossi, tra 20 è 25 cm di diametru. Ghjunti a maturità, cascani intati indè u pavimentu è poni pisà sin’à 10kg dunqua ci tocca à fà attinziona !

Piriodu di fiuritura : Istati

Usi è prupiità : U so lignu di granda qualità, s’utilizaia pà fabricà i maghii di i batedda in a lignameria. A so splutazzioni hè oghji intardeta.
I so fruta chì venini à maturità dopu à dui anni si richiurani di 50 à 10 grani incù un’ammenda chì si manghjia arrustita o buligata à una priparaziona a basa di pani o di biscottu. L’ammenda era nutriscia tradiziunalmenti da l’arburisgiani.

Storia è curiosità

I spezii vicini à stu genaru si rialzani cummu stuturanti di i furesti umbrufili di u principiu di u Cénozoicu. I fussili i più anziani d’araucaria riccodani à u piriudu Trias-Jurassicu (250-200 millioni d’annati nanzi à a noscia epica d’oghji).
Araucaria araucana hè spessu visibuli indè l’anziani giardini aristocratichì. A spezia prutetta dapoi 1982, hè intardetu di racoglia i so grani.

Araucaria bidwilii